2

இந்தப்பாதங்களையும் இயக்கமந்த இடது உள்ளங்கை
நரம்புகளையும் செவி பிய்யப்பிய்யச் சுட்டுக்கொள்ளலாம்.

வெயில் வெப்பத்துக்கு ஒவ்வொன்றாய் வெறுத்துரியும்
தோல்களையும் துக்கத்துடன் மெள்ளத் தூக்கித் தள்ளலாம்.

முன்முற்றத்துக்கும் பின்மூத்திரகூடத்துக்குமிடையே
சதைக்கொத்தாய் சரீரம் சரியச் சரியச் சன்னதமாடலாம்

எதிர்த்த வேலிக்கும் அடுத்த சுவருக்கும் அலுப்புக்
கொடுக்காமல் எனது தூணிலேயே உடல்முடமாகலாம்.

எல்லாமே, என்னால் முறிக்கமுடியாமல் தன் இஷ்டத்தே
எதேச்சையாய் இயங்கிக்கொள்ளும் இந்த மற்றக்கையை
எவரேனும் இனியேனும் இழுத்து முறித்து வைத்தால் மட்டும்தான்.