சுட்டும் சுடர் விரல்

நமக்குச் சுட்டுவிரல்தான் பிடித்திருக்கு.

வெளிர்பச்சைவெண்டிக்காயென்றே

ஒரு சுண்டங்காய்ப் பெயர் வச்சாப் போச்சு!

அடுத்தென்ன! விரலாராதனைதான்!

அச்சா விரல்!

நகமென்றால், பிறை பார்!

பக்குவமாய் வாய்க்குள் வச்சால்,

சூப்புவமா? கடிப்பமா?

ஆருக்குத் தேவை எச்சில் ஆராய்ச்சி?

சுட்டுவிரல் வேணும்

சுடவும் காண்!

மெத்தப்படித்தவிரல்

சுட்டுது பார்!

மொத்தத்தகு

அச்சா விரல்!

சூரியன் கிடக்கட்டும்!

பார்த்தால் கூசுது! பட்டால் எரிக்குது!

விரல் தன்னிலை;

வெயிலோன் படர்க்கை.

04/27/2020 திங். 13:08 கிநிநே