6

பேசாத இன்றைய நேரங்களில்
நேற்றைய கலக்காரர்களின்
தோய்ந்த சாயம் தேய்ந்த உருவைச்
சுவரொட்டிக்கொண்டிருக்கின்றேன்.

பசை ஒட்டாத பொழுதுகளில்,
மூக்கை ஓட்ட மணமூலைகளை
மோப்பம் பிடித்து அலைகின்றேன்.

இடைக்கிடையே எழும்பசிக்கு
கைக்கிடைக்கும் எதையாவது
கல்பொறுக்கிச் சாப்பிடுகிறேன்.
பொருமுகிறேன்; புரையேற,
நடை அடுத்த தொட்டிக்குள்
அறைகுறையாய் அவிந்து
வந்ததை அவிழ்த்துக் கவிழ்க்கிறேன்.

எதிர்ப்படு சந்திப்புக்கேற்ப
சவாடலும் எதிர்ச்சவாடலும்
எடுத்தும் எறிந்தும்
குறுக்கும் மறுக்கும்
திசை தப்பி நடக்கிறேன்

தடுப்புக்குமேலாய் தறிகெட்டு ஓடுகிறேன்.
உடைத்த பலகையை ஒட்டலாமா
என்று உத்தேசப்படுத்துகிறேன்.

மீதியாய் இருக்கின்றநேரத்திலே
மீதமின்றி இறந்துபோயிருக்கிறேன்.