காற்றின் மொழி

காற்றானபடியாற் கடந்து போகிறேன்;
வேளைகளிற் கலைந்தும்
வேண்டாச்சிகை கலைத்தும்.
பட்டுக்கொள்கின்ற பாவங்கள் குறித்துப்
பக்கவாட்டிற் படர்கின்றவை என் பெயர்கள்:
ஊழி,
உப்பு,
ஊதாரி,
ஊத்தை,
உன்மத்தம்.
போகிற வழிகளிலே புகுகின்ற பெயர்கள்
வளைந்து வால் வழியாக வழிந்தோடுகிறன.

அசைதலால்,
கடிதல் என்பது காற்றுக்குமட்டுமாகி,
அகலொளி குவி மேசையில்
ஆழத்தட்டுவேன் மொழி தனித்து.

'05 Feb., 14 02:11 EST