தலைப்பற்ற தொனிப்பு 1

படைப்புக்கும் புடைப்புக்கும் இடை
அகப்பட்ட ஆப்புத்தேசத்தைப்
பூசிக்கொண்ட தென் தேகம்.

எழுவானிலும் படுவானிலும்
எல்லை கடத்தப்பட்டவர்கள்
ஒடுக்கஞ்சேர அடங்கி
இடுங்கிக்கொண்ட காலபூமியிது,
எம் கால் பதித்த களம்;
கண்டீரா?

சுரி சொக்கிச் சொருகியிழுத்துக் கொள்ளவென்றே
பதித்த விரு வட்டச்சுழிச் சிரசுச்சியும்
மேவிச் சேறொளிய, அடைபெருக
பற்றைக்குட் பதுங்கும் முட்டைக்கோழியானேன்
முனைப்பில்.

'01, May 31