பொய்

"பிடித்திருக்கிறது" என்கையிலே,
"பிடித்திருக்கிறது" என்பது உனக்குப்
பிடிக்கும் என்று தெரிகிறது.

"கட்டுமா?" என்கிறபோது,
"கட்டும்" என்பதாகின்றாய்;
குரல் தாழின்,
"கட்டாவிட்டாவிட்டால் போகட்டும்" ஆகிறாய்;
உயரின்,
"கட்டித்தான் ஆகவேண்டும்" ஆகிறது.

பரிவேஷம் போர்த்தாமல்
பொய்யென்றே புரியச் சொல்வதைச்
சொல்பவர் செய்யும்வரைக்கும்,
மெல்லிய பொய்யை,
சொல்பவர் கேட்பவர்
எல்லோருக்கும் பிடித்திருக்கின்றது,

'உனக்கு என்னைப் பிடிக்கிறது;
எனக்கு உன்னைப் பிடிக்கிறது'
என்பவை மட்டும் அடக்கமல்ல
இவற்றுள் என்கிறது நினைப்பு.

30, April '02