நகர்காட்டிகள்

நகரவாழ்வு பற்றி நாலுபேர் சொன்னார்கள்.
நறுக்கி, "நரகம்" சொன்னார் நகர முன்னால்,
அடுத்தாள் நாவில் "'நடுநிசிநாய்' அலை தெரு."
ஊதி ஒத்தூதி, "கொடுமை" கூறிக் குனிந்தேன்.
என் சின்னமுகம் குறித்தே முழுக்கப் புகைத்தார் ஓராள்;
"ஆலைப்புகை ஊடும் முழத்தீவும் சன்னற்றுளையும்."
சுவருட் சுருங்குலகைச் சுற்றிச் சலித்தார் மற்றாள்.
அவருயிர்க்கக் கண் சுருக்கி நெரிந்ததென் புருவம்.

இருள் பழுக்க, ஆள் போக்கிக் கதவடைத்தேன்.

நினைத்து நானேனும் கேட்டிருக்கலாம்,
முன்னொரு நகரம் வாழ்ந்தோரோ என்று.

~9, ஜூலை '03 02:30 மநிநே.


நன்றி: 'நடுநிசிநாய்' பதத்துக்காக பசுவைய்யா