Obssessed with YayaAthi

யயாதியின் முதுமைக்கும் முன்னமே முதிர்ந்ததுதான்
முதிர்ச்சியைப் பற்றிய முடியாத முணுமுணுப்புக்கள்.

செல் வழி அடைத்துப் போக,
வயது பற்றி வாயுள்ளே கால் நட்டு,
நீதி நெறி மொழி வழமை வட்டப்பந்தல் வரைதல்,
முதிர்ச்சியுறா முதுமையின்
மூவிரல் குவி சின்முத்திரை.

முதிர்ச்சி எனப்படுதல்,
வாலிபத்தும்
திரை அற்றோர் முகம் நிமிர்த்தி
உளம் விரித்துப் பேசுதலாம்.

அயர்ச்சியற்றுப் பிறன்முதிர்ச்சி,
இருத்தல் இன்மையைச்
சுட்டலும் சாடலும்
முதுமையின் முதல் அடையாளம்.

யயாதி...
அவன், பின்,
இறந்தானா இருந்தானா...
எனக்குத் தெரியவேண்டும்.