செக்கு
சுப்பரின் கொல்லைக்குட்
சுழலும் மாட்டை என்ன சொல்வேன்?
உட்காரவைத்த
செக்குக்கு ஒன்றும் சொல்லா யான்,
வயிற்றுப்புல்லுக்குச்
சுற்றும் மாட்டை என் சொல்வேன்?
சுற்றவைத்து எள் அரைக்க இட்டானை
ஏதும் சொல்வேனா? - இல்லை!
இட்டான் இடானென்றால், இல் அடுப்புட்
சுருண்டு தூங்கும் ஏதேனும் நிறப்பூசம்!
எள் விதைத்தானைச் சொல்வேனா என்றால்,
எளியன் அவனுக்கும் இல்லையோ இல்? இல்லாள்
இல்லாததை எட்டாய்ப் புட்டுப் பங்கிட்டுக்
கொடுப்பாளோ உந்தியிருப்பார்க்கு உள்ளிட?
காண்! செக்குக்கு மாடுண்டு;
மாட்டுக்குச் சுற்றவுண்டு புல்
புல்லிட்டானுக்குக்குண்டு சுற்றம்!
ஆக, எள்ளுச் செக்குக்கும் உண்டு
அண்டத்தில் எள்ளமுடியா
எள்ளிருப்பு உள்!
அழுக்குச்செக்கொரு
செம்மைகொள் கர்ப்பகிரகம்!
நின்று
கணம்
கும்பிட்டுப்போவோம்,
வா!
12/06/'21 தி. 14:29 கிநிநே
